|
::تخاطيـــف::
::Author::  Name::syzef From::مشتول السوق, الشرقية, Egypt يــــاحمـــد..بقالنا كتيــــــــر ماشوفناش بعــض..مسلـّمناش علي بعــض إظهار الوضع الكامل
::Recent Entries::
::Archives::
|
Wednesday, August 23, 2006 تاج( )...مش عارف الرقم ..باينّه واحد معانا التاج...معانا التاج اولا باعتذر عن التأخير الغير مقصود......بس انا بصراحة أول مرة أتعامل مع التيجان عموما وتيجان النت خاصة, , بس منّه لله اللي كان السبب...وانا بصراحة كان ليّسؤال قبل ما أبدأ...همّ ليه سمّوه تاج ومين اللي سماه الاسم ده؟...يجوز علي اسم جدّه أنا طبعا بشكر غادة اللي بعتتلي التاج ده ...ده أولا, ودلوقتي أنا جاهز للمحاكمة بس استنّو اما أقف جنب الحيطه وارفع ايديّا الاتنين لفوق بسم الله الرحمن الرحيم ......يارحمن الستر الستر*...أؤمرني ياباشا هل انت راض عن مدونتك شكلا وموضوعا؟ شكلا..راضي جدا بدليل إني اخترته من بين متعدد...بيفكرني بامتحانات إبتدائي المتعدد ده موضوعا..جدا أكتر من شكلا لأن كل كلمه فيه جزء مني..حتي الهوامش ما عدا اللينكات بصراحه جبتها من عند ناس تانيه ودي هتتغير وهحذف بعضها هل تعلم اسرتك الصغيرة بأمر مدونتك؟ آه طبعا ...في ناس في أسرتي عارفة ..هو مش انا من أسرتي...لا بجد اخويا يعرف بس كانه معرفش هل تجد حرجا في ان تخبر صديقا عن مدونتك ؟ إطلاقا...كاني بوريهم قصيدة جديده كتبتها ونفسي أشوف إنبهارهم اللي بشوفه ساعتها ويقولو انتو بتجيبو الكلام ده منين...بس ياخسارة مفيش واحد منهم فكر يدخل ولا هيفكر هل تعتبرها امرا خاص؟ بالتأكيد..لأبعد الحدود هل تسبب المدونات بتغير ايجابي لافكارك؟اعطني مثال ف حالة نعم في الحقيقة لحد الوقت ده لا...بس أنا حاسس بشكل أكيد إنها هتعمل كده ....ده لأني متجاوب مع بعضها هل تكتفي بفتح صفحات من يعقبوك بردود ف مدونتك ام تسع لاكتشاف المزيد؟ لحد الوقت مش بفتح غير صفحات معدوده ....وفي ناس عقبت عندي ومش رديت ...بس انا من الناس اللي بتحب المزيد ده..بس مستني الوقت المناسب ماذا يعني لك عدد الزوار ...هل تهتم بوضعه؟ لا يعنيني كثيرا...ومعرفش عدد الزوار ده اعمله ازاي ..وتقريبا مش عايز اعرف هل حاولت تخيل شكل اصدقائك المدونين؟ بعضهم اللي بتشدني كتاباته..وبصراحة نلاقيها لعبة لذيذة..بس هم أكيد مش يختلفو كتير عن الناس اللي في بلدنا هل ترى فائدة حقيقية للتدوين؟ بقضّي معاه وقت طويل جدّا مبحسش بيه وده معناه إني لسه مستمتع هل تشعر ان مجتمع المدونين مجتمع منفصل عن العالم المحيط بك ام متفاعل مع احداثه؟ انا بعتبر المدونين ادباء في الاصل ...وساعات بلاقي مدونات ادبية صرفة...فهم زى الادباء لازم يعيشو العالم المحيط بيهم بس بذواتهم الخاصه جدا...يعني هما بيعيشو العالم نس بطبائع خاااصه هل يزعجك وجود نقد ف مدونتك ام تعتبره ظاهرة صحية؟ لا إطلاقا ..انا بنزعج لما الاقي مفيش نقد....وده لاني بتفق مع ارسطو نسبيا ان احيانا بنقابل بعض المدونين المجاملين(المثبتتية)..وباكد علي كلمة بعض واتفاقي النسبي مع ارسطو عشان محدش يزعل ..ولني فعلا بللاقي ناس بتنقد بكل موضوعيه تخاف من بعض المدونات السياسية وتتحاشها؟ هل صدمك اعتقال بعض المدونين؟ أولا استغربت جدا لوصف المدونات اسياسية ..يعني ايه سياسيه..انا عامل المدونة عشان اقول رايي..ولما اتكلم عن غلاء الجاز المغلي ابقي بتكلم في السياسة...ولما بتكلم عن منتهي الاستكانه في كل شبر عربي ابقي بتكلم في اليسياسه..لازم نالشكل ده كل المدونات تكون سياسيه..اما اعتقا ل المدونين فشئ مزعج جدا لان معناه اعتقال للراى والفكر...والحقيقه ده يبقي اسمه.....ولاّبلاش هل فكرت بمصير مدونتك حال وفاتك؟ في الحقيه انا مت كتير وشفت الدنيا بعدي كتير وكان اكتر شئ شاغلني إحساس الناس بيّخصوصا بعد فتره...بس ده كان قبل ما اعمل المدونه..عشان كده مفكرتش ...بس كل اللي ممكن اقوله ان أكيد شـــهــــــد بنت أختي هتكمّل المسيره آخر سؤال : تحب تسمع أغنية إيه- بلاش صيغة آمال فهمى دى ما الاغنية التى تحب وضع اللينك الخاص بها فى مدونتك؟ أغنية تملّي معاك للست أم كلثوم لا بجد أغاني كتير ومش عارف احط ايه قبل ايه بس طبعا أغلبهم لمنيــر وإيمان البحر بس حاليا نفسي احط لينك أشيــــــلــــك لايمــان البحر وقبل ما أمرر التاج عايز أسال سؤال....مين الباشا اللي بيسأل الاسئله دي؟ انا بحب بس قبل ما اقول ان عالم التدوين استهواني جدا-حتي شوفوا انا مستهوي وبكحّ ازاي-..لا بجدعالم التدوين عندي حاليا من الاشياء القليله اللي بتمتعني..بدليل اني طوّلت عليكم اوى في نهاية المحاكمه بمرر التاج اللي معرفتش ليه سموه تاج لكل من كليوباترا عنتر ابن غلبان...زي حالاتنا عوليـــــس يارحمن الست قلب الكلمه ارسطو _______________________ يارحمن الستر...قالها ارسطو في احدي قصايده 
 |
|