|
::تخاطيـــف::
::Author::  Name::syzef From::مشتول السوق, الشرقية, Egypt يــــاحمـــد..بقالنا كتيــــــــر ماشوفناش بعــض..مسلـّمناش علي بعــض إظهار الوضع الكامل
::Recent Entries::
::Archives::
|
Thursday, August 31, 2006 آخر كل شهر......أغسطس باين؟ . ستكون هذه المدونة عبارة عن تعليقات ربما تكون ساخرة احيانا ..لاذعة أحيانا..مضحكة أحيانا ..وربما كانت ساذجه أحيانا،فلا تمتعض إن وجدت بها مالا يوافق راى سيادتكم..فهذا رلأيك وهذا رايي وتوفق رايك معي يسعدني واختلافك ايضا يسعدني ـــــــــــــــــــــــــــــــــــــــــــــــــــــــــــــــــــــــــ دكتوراة من جامعة رع همّا ليه نقلوا رمسيس م الميدان ...ده حتي كان عامل حسّ أصلهم خايفين لياخد ضربة شمس ويلفّوا بيه علي الدكاتره يقومو يصرفو سته مليون آه ياخي ...ده لو كان عيي وكشفو عليه عند دكتور مخ واعصاب متخرج حتي من جامعة رع ...ماكانوش هيصرفو كده ــــــــــــــــــــــــــــــــــــــــــــــــــــــــــــــــــــــــ وناسبنا الحكومة ..وبقينا فرايب إيه اللمّه دي ياعم الحاج أصلهم بينقلوا رمسيس هوّ رمسيس ده قريب الريّس يعني؟ بيقولوا ...بس بيتهيألي من بعيد..بس الاكيد بقي انه كان ماسك حاجة كبيره قوي في وزارة التموين ايام الفراعنه ـــــــــــــــــــــــــــــــــــــــــــــــــــــــــــــــــــــــــــ إنتحار حبيبـــين تفتكر ليه قطورات قليوب اتقابلو بالطريقة دي؟ انا سمعت والله أعلم -ربنا يستر علي ولايانا-انهم كانو بيحبو بعض وكانو عايزين يسيبو الهيئه ويتجوزوا بس الكبارات ما وافقوش ذنبهم في رقبتهم...تفتكر لو كانو خرجو واتجوزوا كانو هيصرفو كام معرفش بالظبط..بس أكيد اقل من اللي اتصرف في لمّ الفضيحه دي ـــــــــــــــــــــــــــــــــــــــــــــــــــــــــ وعقبال كل شهــــــر  
 |
|