|
::تخاطيـــف::
::Author::  Name::syzef From::مشتول السوق, الشرقية, Egypt يــــاحمـــد..بقالنا كتيــــــــر ماشوفناش بعــض..مسلـّمناش علي بعــض إظهار الوضع الكامل
::Recent Entries::
::Archives::
|
Saturday, September 23, 2006 روايــــــــــــــــــــــح روايــــــــــــــــح لما كانو لسه بيض ...كان قبل دخوله بإيام ...بيشمّو ريحته من بعيـــد....كنت بتمشي تلاقي المكنه وراجل لابس شال وطاقيّة وجلابيّة مش باين غير راسه م المكنة ..وتدور المكنة وإيد الراجل ...مرة ف مرة ،تطلع م الناحية التانية جدايل ولا شعر البنت الأمورة ساعة ما تسرّح.كنت تلاقي فانوس متعلّق وسط الشارع،بينّور طرق الناس الرايحة تصلي كتييييييييير....علشان مش ينفع طبعا نبتدي صوم من غير ما نصلي يومين تلاتة بالكتيــــر....وكمان بينوّر لكلاب السكة اللي بتلعب...وينوّر لحرامي المداسات م الجامع ...وينوّر لاخينا الخارج يشرب شاي ومعسّل ...بعد ما كان محروم منهم من فجر اليوم للمغرب كنا ليلتها ..ليلة ما يآنس بسلامته..نفضل طول الليل ف الشارع...إحنا اللي كنا لما العشا تدّن ...نبقي عازمين الملايكة ع الرزّ والفتّة ...ليلتها نفضل سهرانين ، ف الايد اليمين كبريت ،والتانية سلــك المواعيـن ...ونولّع...وإيدينا تدووووور....وشرارة السلك تطيــــر وتطيــر ،يمكن تلسع هدمة واحد فينا...وإيه يعني ،كلها شهر والعيد ييجي ،وهدمة جديدة معاه..ما هولازم سلك المواعين ..لان السواريخ طبعا غالية كنا نولّع نار كبيرة ـتوصل للسطر الرابع جنب الحيطة -كنا نلف كتير حواليها ونصرخ،متقولش صرخة الهنود الزرق..كنا ننط من فوق الولعة ،متقولش عبــــدة نار ولمّا كبرنا شويه،مسك الراية عيال الحتة ...كنا نشم الريحة معاهم بس علي خفيف دلوقتي مش شايف فانوس متعلّق...ولا شايف راجل بطاقبة ....ولا شايف كبريت ،ولا سلك....ولا حتي هنود زرقة...داحنا حتي بطلنا نعزم الملايــكة هتقول كـــداب؟....عارف في .....فانوس وراجل وسلك وكبريــــت وحرامية شبشب وناس بتصلي -مش كتيــــر -بس موجودة وخلاص بس تصــــدّق؟ !.... مش شـــــــامم ريــــــحة  
 |
|