|
::تخاطيـــف::
::Author::  Name::syzef From::مشتول السوق, الشرقية, Egypt يــــاحمـــد..بقالنا كتيــــــــر ماشوفناش بعــض..مسلـّمناش علي بعــض إظهار الوضع الكامل
::Recent Entries::
::Archives::
|
Monday, January 29, 2007 نــــــِفــسي يابنت الحب والضحكة حلمين.. ومن حق الجدع يحلـــم أصل الجدع مش حيلته غير الحلم دول كلمتين ..ومن نـِفسي ميخضوكيش فمتقلقيش دول أصلهم حلمين وانا أصلي واد مجْدع مش حيلتي غير أحلم حلمين ..ومــن نـــِفسي 000000000000 نــِفسي اعاملها ف يوم علي إنها بشر...زيها زينا..(تقريبا مقدرناش نبطل نحب ملايكة ياشبابيك نــفسي أجمّع مايكات الدنيا كلها..واحطها قدامي ..واصرخ ..بحبــك يا..........أنـــتِ نـِفسي أخلّي شــهـد "بنت اختي"تبوسها ..والبنت تطلع فتــّانة وتقول لها "حـــالي بيــتـلمني علـــيتــي ويقوللي......ز نــفسي آخدهاقدامي علي العَجَلة مشوار صغــيّر جدا لحد ساقيتنا "الساقية يعني الغيط"...ويارب نقع نـــفسي أقول لها علي أطيب ستة في الدنيا نــِفسي أورّيها تــُرب جدي نـــفسي أوريها البنــش الرابع في المدرج إياه نــِفسي أوريها مدرسة أبو سالم "الابتدائي"والحديثة"الاعدادي نــِفسي أفطر معاها أول يوم رمضان كان نـِفسي خطيبة خالي الصغيّر تطلع أحلي من سعاد حسني أو من جــومانا أو مـنـــهـا نــِفسي تكون بتحب "يوجـــين "و "كانغ جــون سانغ نــِفسي أرجع أحب حاجة واحدة من الحاجات اللي كرهتها لمجرد انها مبتحبهاش نـــفسي تحب تربية الطيور في اليت ..لأن دي الحاجه الوحيده اللي مش عارف محبهاش نـــِفسي احكيلها حكاية "بنــي خـيْبان نــِفسي تجاوب علي سؤال عبد الصبور(هل تدرين ما معني أن يمنح رجل لامرأةٍ قلبَه..؟ نــفسي أعرف ف يوم ....محبهاش ازاي..؟ .........نــــِفـــسي  
 |
|