|
::تخاطيـــف::
::Author::  Name::syzef From::مشتول السوق, الشرقية, Egypt يــــاحمـــد..بقالنا كتيــــــــر ماشوفناش بعــض..مسلـّمناش علي بعــض إظهار الوضع الكامل
::Recent Entries::
::Archives::
|
Monday, February 05, 2007 شكرا كرانيش بصراحه انا رايي من زمان ان فكرة التيجان فكرة رائعة بس لو اتفعلت واتعملت صح...وانا رايي انها بالتاج ده بدات تتفعل لان التاج دوره ان احنا نتعرف علي بعض اكتر والتاج ده هيعمل كد فعلا....بس انت ياكرانيش مش لاقيه غير التاج الصعب ده وتمرريه ليا ......ع العموم انا بشكرك بجد واسمعوني بقي وانتم الخسرانين البدايه الغامقة الحقيقه مش انا بس اللي بعتبر حادث ميلادي تاريخي ....لا ده كل عيلتنا..انا اتولدت وابويا كان بيستعد عشان يعمل عملية جراحيه كبيره..وكان لما يعوز بشوفني بيودوني ليه..بس المشكله بقي ان هما مكانوش لاقيين دم في انحاء الجمهوريه كلها ..وامي في الوقت ده وهي بتدور علي الدم ومتلاقيش في اي مكان كانت دايما تصرخ فيا وانا علي دراعها "وشك اسود"وده فهمته لما كبرت ان حبها لابويا طبعا اهم من ميت واحد مالوش لزمه زي حالاتي...بس بقدرة قادر خلال ايام تحول مصدر التشاؤم اللي هو انا طبعا الي اكبر مصدر تفاؤل بعد ما لاقو الدم والعمليه نجحت وبقيت حديث الملايين ف بلدنا كلها أول قلم انا كنت زعيم الخناقات في مدرستنا في الابتدائي..وبعدين مسكنا العيال في المدرسه اللي جنبينا ضريناهم ...فراحو قالو لمدرّسهم ....عيال خايبه مش عارفه تاخد حقها..جه المدرس وانا اديت اوامري للعيال ان مفيش حد يتحرك بس مين ..ببص جنبي نلقيتش غيري ف وش المدرس اللي اداني حتة قلم ..وده اول قلم افتكر انضربته ف حياتي رغم اني كنت كبير ..لس حتي ابويا عمره ماضربني علي وشي..وضرب القلم محصلش ف حياتي غير مرات قليله جدا فاكرها كلها باللحظه وكلها من المدرسين اللي بكرههم كلهم ومستني اعوض القلم ليهم ..يالذات بتاع الابتدائي عبقرية خطاط وانا ف تانيه اعدادي المدرس جمعني انا وكل اللي خطهم زي حالاتي اللي انتم متتوقعوش سوءه..ويدا يعمل محاولاته معانا ويدينا تمارين خط ..ويعد فترة كل اللي كان معايا خطه اتحسن ما عدايا..لان طبعا كل العباقرة كده ياااااااااااااه ياثانويه انا كنت متعود في الفسحه اقضيها ف مبني غير النبني بتاعنا..لان كل اصحابي في المبني التاني ....وكمان الحته بتاعتي .... بس في بقي هناك وده المهم البنت اللي انا بحبها وقعدت احبها من تانيه ثانوي لحد ما اتجوزت واحنا ف تالته جامعه..وعشان كنت ايقي جنبها في الفسحه اللي النفروض اروح اكل فيها..كنت بروح المبني التاني ....وف يوم وانا ماشي ف الفصل البنطلون شبك ف مسمارمن علي ركبتي..وده قبل الفسحه...اضطريت اشيل كتاب الوورك بوك واحطه علي رجلي وامشي في الحوش بالكتال عشان اوصل النبني التاني في الفسحه الموعوده سجاير فرط ف قريه جمبينا رحت فرح وانا ف اعدادي..ومن عادتهم يوزعو سجاير ع المعازيم...وبرغم اني كنت وقتها عمري ما حطيت سيجاره علي شفايفي لكن عجبتني اللعبه ولميت من كل اللي عزم عليا رغم ان المفروض تاخد سيجاره واحده بش ...لميت يومها علية سجاير كامله اديتها لخالي في الآخر..بس خالي التاني معجبهوش اللي انا عملته فخاصمني تلات ايام ..فين الافراح دي دلوقتي ..مجتش في الوقت المناسب ليه ..؟ معرفش اعمــــــــــي انا قبل الجامعه منزلتش الزقازيق الا مرات معدوده..ولاني سكنت ف اول سنه جامعه هناك ..اضطريت اسافر بالليل تاني اسبوع في الدراسه...ولاني معرفش شكل محطة الزقازيق بالليل في الوقت ده ...وكنت اعرفها بالنهار بالعافيه ..نزلت في المحطة اللي قبليها ..وطبعا لقيت المحطه صغرت وغيرو اسمها وبقي اسمها العصلوجي ...فاضطريت اركب ميكروباص لحد شارع فاروق تاني...ومن ساعتها عرفت....ان كاالغريب اعمي ولو كان منيـــر هو كده اللي لكم عندي خمس حكايات...اعتقد انكم ضيعتو وقتكم بيهم ..بس اتمني يكونو كشفو لحد حاجه كان عايز يعرفها...ودلوقتي بمرر التاج لكائن العزله وعين ضيقه وارسطو واين غليان ومعلش لو كان حد منهم عمل التاج فعلا بس ده لاني مش متابع البلوجات الايام دي واسف بس لظروف خارجه عن ارادتي كل تاج وانتم طيبين يارب اكون كنت صريــــــــــــــــــــح  
 |
|